Go not gently into the night, rage against the dying of the light!

Tuesday, April 10, 2012

Ibalik ang tiunay nga esensya sa “People Power”

Youth for Nationalism and Democracy

Pebrero 25, 1986

Mukabat ug tulo ka milyon nga mga Pilipino ang midagsa sa EDSA arun ipaduso ang protesta sa mala-diktador ug corrupt nga pamaagi sa panggrobyerno ni Marcos ug sa gayud, midaug ang inila ug bantug nga pag-alsa sa EDSA, ug mipuli ang bag-ong rehimen sa mga Aquino.

Natapos ang pag-alsa sa EDSA pinaagi sa hiniusang singgit ug kusog sa mga katawhang Pilipino, ug natapos usab ang pila ka tuig nga pagpanamastamas sa mga katungod sa mga nagkadaiya ug tanang sektor sa katawhan sukad madiklara ang “Martial Law”.

Kung atung sutaon, nagalangkub ba ug naga-representa sa kinatibuk-ang katawhang Pilipino ang maong pag-alsa? Sigun, duha lamang ka porsyento sa kinatibuk-ang populasyon sa Pilipinas ang misalmot sa maong kalihukan.

Naangkon na ba sa Pilipinas ang tiunay nga DEMOKRASYA human sa maong “EDSA People Power” niadtong Pebrero 25, 1986??

Gipatuo ang kabag-ang Pilipino nga tiunay na nga nakab-ot ang kagawasan pinaagi sa mga porma ug pagpanglingla nga sukwahi sa atong mga nakita ug nasinati. Nagpadayon lang gihapun ang langyaw nga kontrol ug pagpangolonya sa Pilipinas (ang gahum nga nagpaluyo ug nagkupot sa ekonomiya, politikal ug kultural nga aspeto ug gawi sa mga Pilipino). Ang mga adunahang pipila nag padayon sa pag-uswag ug ang mga kabus nagpadayon sa pagkunhod sukad sa maong makasaysayanung panghitabu. Kini tungod kay kontrolado sa Imperyalistang US ang atong pang-gobyerno ug ang kinatibuk-ang kalihukan niini sa mga pamaaging hilum arun dili kini maghatag kanato ug rason arun makigbisug sa tiunay nga KABAG-UHAN ug KAGAWASAN.

Atong mamatikdan nga ulahi na kaayo ang Pilipinas sa kinatibuk-ang dagan sa kalibutan , nga kung sumahun, kompleto man unta ang Pilipinas sa tanang matang sa mga minerales ug rekurso nga gikinahanglan sa usa ka nasud para sa pagpapa-industriyalisa.

Usa ka kongkretong magpamatuod nga ang ekonomiya sa Pilipinas gipagsilbi sa langyaw ug pagawas sa nasud, mao ang padayon nga pag-export sa atong mga local nga produkto, ug kusog pamuo ug sa bisan kinsa mang anaa sa katungdanan sa atong gobyerno aduna gayud kalambigitan sa Imperyalistang US, nga nagpasabot lamang nga gipanghinguptan ug kontrolado lang gihapon ang Pilipinas sa mga langyaw'ng Imperyalista (gipagsilbi ngadto kanila ang atong ekonomiya ug kontrolado ang politika ug kultura).

“People Power is more than just Ousting a Worst, Apathetic, ELITE President. It is Calling and Educating the People for UNITY to Change the Essence of the Current and General Societal System, Not just the Mere Form and Regime. Let us become more Vigilant in the Need of a Genuine National Democracy.”

IBALIK ANG GAHUM NGADTO SA KATAWHAN!!!
PAGKABAYANINHON SA PILIPINO, IPAHINGUSOG!!
TIUNAY NGA REBOLUSYON SDA KATAWHAN,
IPADAYUN UG PAKIGBISUGAN HANGTOD SA KADAUGAN!!!

“Imagine all the people living life in peace. You may say we are dreamers, but we are not the only one. We hope someday you will join us, and the world will be as one and equal.”

Ang kalaksot sa sistema, Undangon Na!

Legue of Urban Poor in Action (LUPA-Cebu)

Abril 2012


Sumala sa gipahamtang sa nagkalain-laing sirkumstansya, hilabi na sa ekonomikanhong kahimtang, naa na sa ika duhang guhit ang Pilipinas sa kalisod og kagutom. Sakit og subo man nga pamalandungon ta apan ang kamatuoran: LAKSOT NA KAAYO ANG KONDISYON SA KINABUHI SA MGA KABOS SA LAKSOT OG DUNOT NA KAAYO NGA SISTEMA! Apan si kinsa man ang angay nga basulon niini? Ang katawhan ba nga maoy tumang naninkamot og kamang? Sila nga maoy grabe kaayu nga naapektuhan sa tumang kalisod? Sila nga maoy nalapukan, makasugakod lang sa pang adlaw adlaw nga kalisod sa pangita? Sila nga maoy hinuypan sa ilang mga katungod, masalbar lang ang interes sa hut-ong mapahimuslanon? Budlay na kaayo nga pamalandungon nga kung kinsa pa ang napahimuslan, siya pa ang mugawas nga saypan!


Pipila na ba ka higayon hain tataw kaayo ang kawalay klaro nga suporta sa mga naa sa pangagamhanan ngadto sa mga uyamot! Ang karon nga administrasyong nanaad og kabag-uhan, duplikado ra gihapon sa mga miaging nagdumala nga walay laing tinguha kundili panalipdan ang ilang kaugalingong interes ubos sa sulsul sa tinuod nila nga BOSS! Kinsa mana nga boss? Ang giingon ba nila nga katawhan, nga walay laing naangkon og nadawat kundili kahagip-ot sa kinabuhi tungod sa dili makatarunganong pagpanag-iya!


Ang batakang serbisyo para sa masa,hain naman? Dili ba anam-anam nang gitangtang sa gobyerno ilang responsibilidad ngadto sa katawhan-nga hain subay ra pud kini sa nauso nga Globalisasyon nga walay laing boot pasabot kundi ang mas pagpauyamot sa mga kabos og pagpabilin sa pedestal sa mga hakog.


Maihap pa ba sa atong mga tudlo ang gidaghanon sa pagpanggun-ob nga gibuhat ngadto sa mga puluy-anan sa mga kabos tang mga kaigsoonan tungod og alang sa mga daw nanag-iya sa maong mga yuta? Sa mga panghitabong sama niini, wala na ba gayoy katungod nga mubabag pa kita sa demolisyon og musugot nalang ba kita nga gub-on ang atong kinabuhi?Maayo pa diay ang mga langyaw, adunay luna sud sa nasud ta! Ang mga mulopyo intawn, yanu-yanuhon lang og palayas sa panahon nga naa nay muangkon sa yutang tinamnan nila sa ilang mga pinobreng pangandoy!


Gihulagway na ang pagkupot sa mga elitistang hakog sa 90% nga bahandi sa Pilipinas-nga unta para sa 99% nga masa og dili para nila ra nga 1%ra man unta sila sa kinatibuk-ang populasyon sa nasod. Apan sa paglakat sa mga adlaw, buwan, mga katuigan, misamot ka timawa ang mga kabus!


Tanang panaliton niusbaw na ang mga presyo- pletehan, pagkaon, tambal., og bisan ang kantidad nga kinahanglanon sama sa edukasyon, ospitalisasyon og uban pa misaka na! Pero lilion ta ang presyo sa suhulan, misaka ba? Mas nigrabe paman gali ang dili makiangayaong kondisyon sa atong mga igsoong mamumuo tungod sa pagsagop og pagligalisa sa Kontraktwalisasyon sud sa atong nasud!


Walay benepisyo walay seguridad sa trabaho og mas sikbit sa pagpanamastamas- asa naman ang higayon ta nga mabuhi sama sa usa ka tawo? Kung in-ana nga way saka sa suhulan apan padayon sa pagsaka sa presyo sa mga panaliton hain naman ang higayon ta nga makapaeskwela sa mga anak, makapatambal sa mga nagmasakit,makapakaon og makapabisti sa mga pobre tang kaigsoonan?


Dili pagpakahilom ang tubag sa matag hait nga tunok nga mitusok sa dali mapukan tang kinabuhi og pagkatawo! Dili usa lang ka tawo ang muusab sa hagip-ot tang naabtan! Dili pagpakarun-ingnon nga saad ang muhunong sa kalisod tang nahiaguman- kun dili PAGBAROG, PAGLIHOK, PAGPAKIGBISOG!

Daghan tang napahimuslan

Gamay ra sila, di angay kahadlokan!

Tinabangay, mag-inunungay

Abton ta ang kinabuhing tinuoray!