Go not gently into the night, rage against the dying of the light!

Tuesday, November 24, 2015

NAGPAKABANANG MGA KAHUGPUNGAN SA KATAWHAN SA SYUDAD SA SUGBO
C/o KILUSAN office at 690-C D. Jakosalem St., Brgy. Kamagayan, Cebu City
Tel. No.: (032) 253-9682


Sulat para sa mga Konsehal sa Syudad sa Sugbo nga Mabination sa mga Kabus nga taga-Dakbayan
(Para sa pagpapasar sa Moratorium on Demolisyon Ordinance)

Ang katawhang kabus nga taga Dakbayan sa Sugbo masulub-on sa karong panahon human sa balita nga gibabagan ni Mayor Mike Rama ang pagpapasar sa Ordinansa nga nagdumili sa pagdemolish sa mga pampublikong kayutaan subay sa hurisdiksyon sa Syudad sa Sugbo sulod sa usa ka tuig (Moratorium Against Demolition Ordinance).  Nagdag-om ang kalangitan subay sa pagkadismaya sa katawhang kabus ning maong balita.  Ang desisyon inanay sagpa ug  pangandoy sa mga kabus nipanaw.  Unta nga ang tinguha wala’y lain kung dili patas nga katungod dili gahum sa Gubyernong nitalikod sa konsituenteng gipanumpaan nga pagasilbihan.

Ang pangandoy alang sa desinte ug makatawhanong pagpuyo angay lang ipaduso hangtod maangkon kini.  Tungod ug gumikan nga batakang panginahanglan ug nilagdaan sa Balaod nga usa ka tawhanong katungod.  Apan wala kini ilha sa Gubyernong buta’ ug hakug sa gahum, ingon balaod gigamit pabor para sa mga adunahan ug mga dagkong tigpapatigayon.

Sa kahimtang namong mga kabus –walay yuta, walay balay, walay trabaho- gigamit ang among kaugalingong kusug aron makahatag ug serbisyo ngadto sa ubang kabus sama namo, imbis mahimong pabug-at sa katilingban, kini mismo kay dalaygon. Nakasugakod kami sa among pagpuyo pinaagi sa matinud-anon, kakugi, taas nga trabaho, bisan paman dili igo ang kita, dili sama sa mga opisyal sa gobyerno nga naglungkab sa kwarta sa publiko.

Kay miserabli ang among kinabuhi, ug ang among pagtumaw sa kayutaan sa Syudad kay hugaw sa panan-aw sa mga adunahan ug gamhanan, kini dili among tinuyuan. Ang katilingban mao ang nagpaubos sa ing-ani nga kahimtang; ug ang katilingban ang angayang magbuhat ug maayong opurtunidad alang kanamo aron mapalambo kini. Ang kamaut ug kakabus sa among pagpuyo dili matabunan sa mga pangpagwapa lang nga kausaban, sama sa gustong buhaton sa gobyerno ni Rama. Hinuon, ang lihok ni Mayor Rama sa pagpagwapa/panindot naghatag ug mas grabing kadaut sa kinabuhi sa mga kabus.

Sama sa uban, nagbayad usab kami ug buhis. Tungod walay makaikyas sa VAT. Naa kami’y susamang katungod ni bisan kinsang nagbayad ug buhis nga maserbisyohan sa gobyerno.   Kami mga Pilipino, kinsa anaay patrimonyang katungod niining Pilipinas ug labaw sa tanan sa ni bisan kinsang langyaw. Sama sa ubang Pilipino, naghandom kami ug paglambo. Simpli lang namong gipangayo nga sa unsa man o tanang kalambuan kinahanglan maapil, dili kay walay labot, ang kabag-ang  kabus, ilabi na ang apektado/nagpakabanang sektor.

Ug labaw sa tanan, mga tawo kami, kabahin sa katawhan. Naghuna-huna, mubati, nag-ugmad nga mga tawo nga naningkamot nga magamit among tawhanong kapasidad aron mabuhat among bahin sa kini nga katilingban.  Apan sa among kapasikaran nanginahanglan sa inyong tabang, tabang para kami mulambo ug makatagamtam man lang sa gamay’ng kahupayan ug alibyo gikan sa demolisyon.  Minghangyo nga unta kamo bumati kanamo.

Nga ang Administrasyon ni Rama mihikaw kanamo sa among pulos isip tawo ug ang among dignidad isip tawo- aron ang langyaw nga mamuhunan moginansya ug ang mga turista malingaw.

Unta dili kamo susama ni Mayor Mike Rama nga mitalikod na kanamo.  Hangyo namo nga unta inyong ipapasar ang Ordinansa nga muhatag kanamo ug kahigayunan nga makig-alayon sa Gubyerno aron kami makiangayon nga mapahimutang ug dili yanong sikad-sikaran.  Inyong boto sa ummabot Miyerkules, Nobyembre 25, 2015 among bantayan.  Itratar isip inyong timaan sa inyong gipanumpaan.  Hangyo kami kaninyo, saksi ang langit, dungga ang tingug sa katawhang kabus kaninyo nangaliyupo.  IPAPASAR ANG ORDINANSA!


Nagkahiusa sa ngalan sa katawhang nagpakabana,




Emalyn M. Aliviano
Spokesperson
Kilusan para sa Pambansang Demokrasya-Cebu (KILUSAN-Cebu)



Elizabeth Dicdican
President
Pagkakaisa ng mga Kababaihan para sa Kalayaan (KAISA KA-Mambaling)


Soledad Cordova
Representative-Council of Leaders
United Small Vendors of Cebu City (USVCC)


Roldan Dicdican
Acting President
Sitio Naba Neighborhood Association (SNNA)


Floro Enricoso
President
Alliance of People’s Organization Working for Empowerment and Resettlement (ALLPOWER)


Ronald Lamberte
President
Warwick Barracks Relocated Vendors’ Urban Poor Association (WBRVUPA)


Virginia Canoy
President
Sitio Tangke Home Owners’ Association (STHOA)


Marifel Candia
President
Sitio Tangke Panaghiusa Residents’ Association



No comments: